Pages


पाऊस आभाळात
पाऊस ढगात
पाऊस झाडात
पाऊस वेलीत

पाऊस विहीरीत
पाऊस झऱ्यात
पाऊस धबधब्यात
पाऊस तलावात

पाऊस अंगणात
पाऊस दारात
पाऊस घरात
पाऊस मनात!

ओलीचिंब सारी!!




पागोळीचा एकेक थेंब

ठिबकतोय
संथपणे--एका लयीत

पावसाचं नर्तन संपलय आता--
उरलेय ती दाट काळोखी
चारी दिशा व्यापणारी

अन दूर डोंगरमाथ्यावर
ढगांचे दोन अस्पष्ट आकार
वाऱ्याशी बांधलेले
रिक्त!


सुर्याच्या विखुरलेल्या किरणांसारखे
तुझे भास
ढगाढगांतून डोकावणारे

समुद्राच्या अविरत गाजेसारखी
तुझी साद
आसमंत व्यापून उरणारी

असिम पसरलेल्या या क्षितिजासारखा
तू---
नजरेच्या अल्याड--पल्याड--!

अन मी---
या ओथंबलेल्या वेड्या लाटेसारखी
लटक्या आभासामागे धावणारी
मनःपूर्वक!!!